RSS

नेपाली जनप्रगतिशील मञ्च यु ए इ को प्रेस वक्तव्य

10 Jun

 प्रेसबक्तब्य                                                                                                                                                                                                                      

सन १९५० को राष्ट्रघाती असमान सुगौली सन्धी पश्चात श्रृंखलाबध्द तरिकाले भारतले सीमा सुरक्षा बल मार्फत पटक पटक नेपाली भुमिमा नांगो हस्तक्षेप गर्दै आएको छ । सार्बभौम राष्ट्रको राष्ट्रिय अखण्डता माथि आँच आउने तरिकाले पटक पटक हस्तक्षेप गरिनु भारतीय बिस्तारबादको हेपाहा प्रबृत्ति नै हो । यसको पछील्लो कडिको रुपमा दाङ, बारा र सुस्ता लगायतका ठाउमा भारतीय सीमा सुरक्षाबलद्वारा नेपाली भुमी अतिक्रमण गरी आफ्नै भुमिमा नेपालीहरु लखेटिनु परेकोछ । करीब १८०० भन्दा बढी नेपाली जनताहरु आफ्नै भुमिमा भारतीय पक्षको ज्यादति, कुटपिट र हिंसाका कारण बिस्थापित भएका छन । भारतीय शासक र यसको सिमा सुरक्षाबलको बिस्तारबादी नितिको नेपाली जन प्रगतिशिल मञ्च यू ए ई सम्पूर्ण प्रबासी नेपालीहरुको तर्फबाट घोर निन्दा र भर्त्सना गर्दै मिचिएको नेपाली भुमी र खोसिएको सम्पत्ति सम्बन्धित पक्षलाई तुरुन्त फिर्ता गर्न जोडदार माग गर्दछ।                                                                                                                                                                                     

एकातिर भारतीय पक्षको ज्यादतिको कारण सिंगो राष्ट्रियता र राष्ट्रिय अखण्डतानै सँकटमा परेकोछ भने अर्को तिर आफ्ना बिदेशी प्रभुलाई खुशी पार्न लेण्डुप दोर्जे शैलिमा बर्तमान कठपुतली सरकार नतमस्तक भएर रमिते मात्र भएको छैन अप्रत्यक्ष रुपमा भारतलाई नै सघाइरहेको छ । राष्ट्रियता जस्तो सम्बेदनशील बिषयमा स्थलगत भ्रमण गरी पीडित बिस्थापितहरु र सीमा सम्बन्धी सबै समस्याहरुको समाधानार्थ कुटनितिक र राजनीतिक पहल गरिनुको साटो पीडक मध्यकै नेपाल स्थित प्रतिनिधि भारतीय दुताबासको बक्तब्यलाई आधार बनाएर परराष्ट्रमन्त्री सुजाता कोइरालाले कही कतै र कसैबाट पनि सीमा मिचिएको छैन भनी दिएको अभिब्यक्ती अत्यन्तै गैर जिम्मेबार र लाचारीपनको पराकास्ठा हुनुको साथै बिदेसी प्रभुलाई रिझाउन सिंगो नेपाली राष्ट्रियता र बिस्थापित नेपालीहरुकै अपमान हो।                                                                                                                                                                                

नेपाली जन प्रगतिशिल मञ्च यू ए ई बिभिन्न संघ संस्था र समुदायले भारतीय हस्तक्षेपकारी नितीको बिरुध्द गरेको आन्दोलनप्रती हार्दिक ऐक्यबध्दता प्रकट गर्दै स्वदेश र प्रबासमा रहेका सम्पूर्ण प्रगतिशिल,  देशभक्त,  बुध्दिजिबी र आमनेपालीहरुलाई भारतीय ज्यादतिको शसक्त बिरोध गर्न र राष्ट्रियताको रक्षार्थ आन्दोलित हुन आग्रह गर्दछ । साथै यस सबालमा गम्भिर भएर सम्पूर्ण सीमा सम्बन्धी समस्याहरुको तुरुन्त समाधान निकाल्न सम्बन्धित पक्षसँग जोडदार माग गर्दछ ।

क्रान्तिकारी अभिबादन सहित

दुर्गादत्त पोखरेल                                                            रमेश बेल्बासे   

अध्यक्ष                                                                            महासचिब                                                                                                                                                            

 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

 
%d bloggers like this: